中文老師超唔掂！

人做老師佢做老師做到十問九不知，

補考唔知總分唔知活動詳情都唔知。

講完又講又叫我去搵親愛的班主任，

搵完又叫我去搵番親愛的中文老師。

請問，你地仲有d咩無知個學生啊？

真係啊…

之前問佢點解個0.9分都唔俾埋我，

佢話︰「下？我都唔知wo…學校自己用電腦搞(分數)，我都唔知你地的總分係幾多啊」

跟著問佢幾時補考，

佢話︰「下？呢d野你唔係應該知架咩？」

「我只知係3月14號，張紙班主任叫完媽媽簽完名就收番喇」

「我無收到通知wo，你問下班主任啦。」

好啦，走去問班主任，

班主任︰「呢d野你要問番你個中文老師wo，我唔知中文科o既野架。」

你只知自己英文科同班務有咩事！

跟著上上下中文堂佢就話有咩測驗，

講左幾點補考，

我又問係邊度考，

佢話︰「呢d野你應該清楚過我架bo，我唔知架。」

又走去問班主任，

佢話︰「學校就話會通知課任老師，你再去問問啦！」

哇！呢d野唔係應該一開始決定好哂架咩？

到呢家你先話通知？！仲有一星期咋！

中文老師跟著就話3月21日有活動做義工，

地點係將軍澳某中學(故意唔打名)

時間…唔知，等通知。

又唔知？！

你唔知就好心你唔好講出黎啦！

搞到d人都唔知去好定唔去好，

仲希望有三十個人去參加？！

發夢啦你！而家有大約十個你仲想點啊

好心你唔知就打去問下你啦，你咁樣點得架

星期五仲過份，

叫全班企起身，再叫1~10號同學出去背野，

唔識背就要人企，

企到仙蒂到午餐時間叫腳痛，

又話果日背唔到就返去抄五次，第二日再背

跟著要我地自評同互評作文，

有d評完就傾計，

佢又話︰「嘈咩啊！我最近覺得你地好孩子氣，考試之前就好專心，家下你地俾我個感覺係開始hea下hea下，做咩搞成咁架！」

拜託！我地係學生，唔係社會人士，大家一齊玩好正常，唔通同你扮成熟上台講學校政治啊？

又唔見你話旁邊的小學學生幼稚白痴正低b，

我地上堂有d係好專心…去搵周公玩啊！

考完試唔玩一陣會因精神緊張導致精神不足架！

評完野傾計好正常o者，你又無話要做咩。

落堂之後就叫左豬同學同paco出去，

paco打算拎埋飯先行人，

佢就走廊話︰「拎咩飯啊！跟我落去！」

哇！你想搞到人地個飯無左啊？

阿姨見到有多餘的會拎走架！

綜合全班41人33個唔合格係正常，你又無咩點講應該點考wo

大家拍手你又話大半班人唔合格有咩好拍手有咩好笑，

唔通要我地哭著搵爹娘啊？

 真係！

新人一個，都唔知學校點解要佢教我地，

見我地成績唔夠低咩！

今年呢位老師，

我一定俾到好低分佢！

(因為我地學校到年尾會俾張紙我地問我地對科任老師的評審，雖然唔知有咩用，但我今年打算批死佢！)

~ 由 星夜翼 於 2009/02/28.